‘Loti 2’ për punimet në Tiranë, si devijohet trafiku dhe rrugët që duhet të shmangni

14:55 - 24 Nëntor 2021

Në 24 dhe 25 nëntor do të devijohet trafiku nga Ura e lumit Lana deri te kryqëzimi me zgjatimin e Bulevardit “Migjeni”. Kjo vjen për shkak të punimeve që do të kryhen për shtresën e fundit të asfaltit në rrugët dytësore të Lotit 2.

"Në datat 24-25.11.2021 gjatë natës do të kryhen punime në rrugën paralele perëndimore (krahu i pallateve) nga Ura e lumit Lana deri te kryqëzimi me zgjatimin e Bulevardit “Migjeni”, njofton ARRSH.

Trafiku do të devijohet nga ora 20:00 e mbrëmjes, deri në orën 06:00 të mëngjesit. Të gjitha automjetet që do të vijnë nga ish-sheshi Shqiponja, do të devijojnë vetëm majtas me destinacion rrethin e Pallatit me Shigjeta dhe do të jenë të bllokuara të gjitha degëzimet që lidhen me këtë aks dytësor me destinacion rrugën “Tom Plezha”. Gjithashtu nuk do të lejohen parkimet e automjeteve në këtë aks.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.