.png)
Kompania Lonely Planet ka zbuluar listën e saj të 18 vjetore "Vendet më të mira për të udhëtuar”.
Edicioni i vitit 2023 është në një format pak më ndryshe nga ai që ka qenë në vitet e kaluara. Në vend të një liste të thjeshtë, destinacionet ndahen në pesë kategori: Udhëtime për të ngrënë, për të mësuar, për të eksploruar, për t’u çlodhur dhe për t’u lidhur me njerëzit.
"Këtë vit, ne vërtet donim të provonim diçka të re dhe donim të pasqyronim mënyrën se si i shihnim turistët që kërkonin udhëtime, diçka të bënte me destinacionin dhe përvojën”, shpjegon Nitya Chambers, redaktor në Lonely Planet.
Redaktorët fillojnë punën me listën që në prill. Chambers thotë se janë të vetëdijshëm se jo çdo person ka mundësinë të vizitojë çdo vend dhe prandaj janë munduar të bëjnë një listë specifike për çdo lloj turisti.
Një nga 30 vendet që duhet të vizitohen në 2023 është edhe Shqipëria, pjesë e grupit të vendeve ku mund të krijosh një lidhje, me vendin ose me njerëzit.
Ndërsa bota u hap pas kufizimeve të gjata Covid, shumë turistë ndjenë dëshirën për t'u lidhur ose rilidhur me të tjerët.
Një mënyrë për ta bërë këtë është duke zgjedhur vendet më miqësore me turistët.
“Në pak vende mund ta nisësh ditën në mal dhe ta mbyllësh në det. Bukuria natyrore e Shqipërisë do t'ju lërë pa frymë dhe do ta keni për vete, më shumë sesa në Greqinë fqinje që është e mbipopulluar”, shkruan Lonely planet për Shqipërinë.
E mbyllur për të huajt për pjesën më të madhe të shekullit të 20-të, Lonely Planet shkruan se Shqipëria ka qenë prej kohësh enigma e Europës Mesdhetare. Deri kohët e fundit, malet e rrëmujshme, qytetet e kështjellave dhe plazhet ishin thjesht thashetheme në shumicën e hartave të udhëtimit. Por, me fundin e komunizmit. Shqipëria hapi dyert e saj.
Turistët e parë kureshtarë që erdhën zbuluan një tokë ku kodet e lashta të sjelljes ende kishin ndikim dhe ku era fishkëllente nëpër mbetjet e vendeve gjysmë të harruara greke dhe romake. Një çerek shekulli pasi hoqën prangat e komunizmit, peizazhet mahnitëse malore të Shqipërisë, kështjellat e shkatërruara, kryeqyteti i zhurmshëm dhe plazhet që rivalizojnë çdo plazh në Mesdhe vazhdojnë të magjepsin.
“Por nxitoni, sepse teksa flitet për atë që fsheh Shqipëria, numri i vogël i turistëve është bërë i madh tashmë dhe rrezikon të ketë një mbipopullim edhe në Shqipëri”, shkruan Lonely Planet.
Vende të tjera që mund të vizitohen për të krijuar një lidhje janë Boise, kryeqyteti i Ajdahos, Sidnei, Gana, Alaska dhe Boise në Amerikë.
Boise, kryeqyteti i Ajdahos, është shtëpia e komunitetit më të madh bask në botë jashtë Spanjës. Disa banorë lokalë ende flasin gjuhën baske, mësojnë vallet tradicionale dhe e bëjnë paella-n aq të madhe sa për të ushqyer të gjithë qytetin.
Ndërkohë në anën tjetër të botës është edhe Sidnei, i njohur për banorët miqësorë, si dhe për plazhet e bukura.
Vendet ku mund të shkojnë turistët që duan ushqimin janë Lima në Peru, Kuala Lumpur, Umbria në Itali, Japonia dhe Uruguai.
Lima ka qenë prej vitesh qyteti i restoranteve më të mira të botës. Ndërkohë
Ndërkohë për këdo që dëshiron të vizitojë një vend ku mund të pihet verë e mirë, mund të shkojë në Uruguai.
Dashamirësit e ushqimit të rrugës duhet të shkojnë në Kuala Lumpur. Kryeqyteti është një vend i përsosur për të provuar të gjitha ushqimet e Malajzisë.
Ndërkohë, është e vështirë të gjesh një kuzhinë italiane që nuk është e dashur për të gjithë.
Pandemia nxiti gjithashtu një dëshirë tjetër të fuqishme: stresi i punës nga shtëpia dhe gjithë kaosi që u krijua bëri që të gjithë të duan të bëjnë një pushim të gjatë.
Destinacionet si Xhamajka dhe Dominika në Karaibe, janë vendet perfekte për t'u çlodhur, sipas Lonely Planet.
Malta, një tjetër destinacion "relaksues" është një perlë më pak e njohur.
Dhe në Azi, arkipelagu indonezian i Raja Ampat mund të jetë një nga parajsat e fundit të mbetura në Tokë.
Ndërkohë, nëse doni të mbani gjallë frymën e të mësuarit përtej pandemisë, Lonely Planet sugjeron të vizitoni një destinacion për hir të thellimit të njohurive tuaja.
Këtu përfshihet New Mexico, shteti amerikan i quajtur "Toka e Magjepsjes", ku vizitorët mund të mësojnë për historinë amerikane dhe trashëgiminë spanjolle, ndërsa hanë spec të kuq dhe jeshil dhe biskota të shijshme biskochito.
Në Marsejë, mësoni se si të thoni më shumë sesa thjesht "merci beaucoup" ndërsa bëni plazh në brigjet e Mesdheut të Francës. Në Angli, Mançesteri është një destinacion kulturor i nënvlerësuar, me galeri arti, hapësira performancash dhe një festival vjetor kulturor ku mund të mësoni.
Në fund të fundit, pavarësisht nëse dilni në rrugë në kërkim të një vakti të përsosur apo një peizazhi mahnitës të qytetit, udhëtimi ka të bëjë po aq me eksplorimin gjatë rrugës sa edhe në atë që është në itinerarin tuaj.
Duke menduar për eksplorimin dhe itinerarin, Lonely Planet zgjodhi gjashtë pika "udhëtimi".
Nuk është çudi që mbretëria e Azisë Qendrore Butani bën ndryshimin. Në vitin 2022, vendi u rihap për turizmin dhe zbuloi xhevahirin e tij, shtegun Trans-Bhutan, i cili lidh nëntë dzongkhag (rrethe), 28 gewogs (qeveritë lokale), dy komuna, një park kombëtar dhe 400 vende historike dhe kulturore.
Zambia, një tjetër destinacion "udhëtimi", mund të njihet më së shumti për Ujëvarat e Viktorias.
Por edhe nëse ujëvara më mbresëlënëse në botë nuk është një arsye bindëse për t'u vizituar, diversiteti i jetës së kafshëve si gjirafat, elefantët, luanët, hipopotamët, cheetah dhe më shumë, e bëjnë atë një zgjedhje të përsosur për një udhëtim dinamik.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
