.png)
Gazeta Si - Që nga fillimi i luftës, buletini i inteligjencës ushtarake britanike ka qenë një busull për të kuptuar se çfarë po lëviz në fushën e betejës mes Ukrainës dhe Rusisë.
Dhe tani, ajo tregon se çfarë mund të jetë "plani i ri" rus - që synon të bëjë një hakmarrje, jo vetëm me vlerë ushtarake, por edhe simbolike, pas disfatës së javëve të fundit.
Sipas shërbimeve inteligjente të Londrës, plani i gjeneralit Surovikin, tani parashikon rrethimin e Bakhmutit me përparime taktike nga Veriu dhe Jugu.
Përsëri sipas analistëve ushtarakë britanikë, vlera operacionale e një pushtimi të këtij lloji do të ishte e kufizuar - "do të lejonte, potencialisht, për të kërcënuar Kramatorsk dhe Sloviansk”, dhe pak më shumë.
Por nuk është vetëm kjo që Surovikin - dhe shefat e tij - synojnë tani për tani: "Ekziston një mundësi reale që kapja e Bakhmutit të jetë bërë mbi të gjitha një objektiv simbolik dhe politik".
Ndërkohë, lufta në Ukrainë ka mbushur ditën e 283-të. Presidenti rus Vladimir Putin mbetet “i hapur për bisedime për të siguruar interesat e Rusisë”, por e konsideron të pamundur pranimin e kërkesës së presidentit amerikan Joe Biden, përkatësisht largimin e trupave nga territori ukrainas.
Nga ana tjetër, drejtori ekzekutiv i “Raytheon Technologies”, Greg Hayes, zbuloi se Shtetet e Bashkuara po punojnë me vendet e Lindjes së Mesme për të zhvendosur disa nga sistemet e tyre të mbrojtjes ajrore në Ukrainë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
