Përfaqësuesit e lojës Monopoly, ndër më të luajturat në botë ndodhen në Shqipëri për një tur zyrtar ku do të zgjedhin vendet që do të promovohen në lojë, ndërsa edicioni zyrtar i lojës në shqip do të jetë gati për festat e nëntorit.
Deri tani, Monopoly ka krijuar edicione të ndryshme në mbarë botën, duke përfshirë edhe vende të rajonit, ndërsa shqipja do të jetë gjuha e 45-të e saj.
Ministrja e Turizmit dhe Mjedisit Mirela Kumbaro priti në ambientet e ministrisë përfaqësues të kompanisë duke thënë se kjo iniciativë është veçanërisht “për një publik të ri që nuk ndjek lajme, nuk sheh televizor, nuk lexon portale, nuk i ndjek politikanët, por duke luajtur këtë lojë dhe duke mësuar për Shqipërinë përmes saj është promovimi më i mirë që mund të bëjmë”.
Gjatë lojës zbulohen destinacionet më interesante të vendit, qoftë ato natyrore, qoftë ato me interes kulturor, pjesë të sporteve, edukimit, apo sipërmarrjeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.