.png)
Kryetari i Partisë Demokratike, Lulzim Basha e konsideroi lirimin e ish-ministrit të Brendshëm, Saimir Tahiri si mbyllje të paktit mafioz, si kapje të drejtësisë dhe si goditje e rëndë e integrimit europian të Shqipërisë.
Në një deklaratë për mediet, kryetari i PD-së, Basha shton se “lirimi i Saimir Tahirit është triumfi i krimit dhe trafikantëve të drogës dhe goditje e rëndë për integrimin europian të Shqipërisë dhe drejtësinë e vërtetë”.
Po ashtu, Basha e konsideron emergjente vënien para drejtësisë të ish-ministrit Tahiri. “Nxjerrja e Saimir Tahirit para drejtësisë është kërkesë specifike për hapjen e negociatave për disa qeveri europiane, të cilat e kanë informuar qartë dhe direkt Edi Ramën për këtë gjë”, – u shpreh Basha.
Basha shtoi se lirimi i Saimir Tahirit, tregoi se drejtësia është e kapur nga politika. “Lirimi i Tahirit tregon se drejtësia është tashmë nën kontrollin e plotë të politikës. Kapja totale e Prokurorisë, shkrirja e Gjykatës Kushtetuese dhe paralizimi i Gjykatës së Lartë janë garancia më e madhe që Edi Rama ofron për të gjithë kriminelët dhe pushtetarët e lidhur me krimin”, – tha Basha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
