Gjykata e Tiranës ka vendosur të shtyjë për të hënën seancën e verifikimit të kushteve të masës së sigurisë për ish-kryebashkiakun e Vorës, Agim Kajmaku.
Mësohet se shkak për shtyrjen e seancës është bërë mosprania fizike e Kajmakut në seancë.
Në sallën e gjyqit, avokati i ish-kryebashkiakut ka pretenduar se deri pasditen e djeshme Kajmaku ka qenë në spital.
Ndërsa prokurori i çështjes ka kërkuar shpallje të moskompetencës dhe dërgim në Gjykatën e Apelit.
Një ditë më parë, Gjykata e Apelit liroi ish-kryebashkiakun e Vorës, Agim Kajmaku, i arrestuar të hënën në mbrëmje, pasi u paraqit në një spital privat në Tiranë për probleme shëndetësore pas 8 muajsh arrati.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.