Nga Gazeta ‘Si’- Pasi u pranua kërkesa e familjarëve të saj pasditen e djeshme, Liridona Ademaj do të rivarroset sot (4 dhjetor) në fshatin e saj të lindjes, në Rracaj të Gjakovës.
Lajmi është bërë i ditur nga familjarët e Liridona Ademajt përmes një postimi në Facebook.
“Familja Ademaj njofton miq, shokë e dashamirë se rivarrimi i vajzës sonë Liridona Ademaj, e vrarë më datën 29.11.2023, bëhet nesër më datë 4 dhjetor 2023, në varrezat e fshatit Rracaj, në ora 14:00”, thuhet në njoftim.
LEXO EDHE:
- 'E kujtojnë me mall, burri dhe fëmijët'. Porositi vrasjen e i organizoi varrimin, Naim Murseli pranon planin: Pagova 15 mijë euro para krimit, 15 mijë do t’ia jepja pas
- Një muaj paraburgim 3 të dyshuarve për vrasjen e Liridona Ademajt. I vëllai: Fëmijët ende nuk e dinë që nëna e tyre ka vdekur
- Krimi në Kosovë, ish-këshilltari i Pacollit arrestohet si i përfshirë në vrasjen e gruas së tij. Autori i dyshuar: Naimi më pagoi 30 mijë euro!
- Naim Murseli në gjykatë: Nuk ika nga vendngjarja. Kam qenë edhe vetë i rrezikuar
Familjarët e të ndjerës në kërkesën me shkrim që i dërguan prokurores Besa Limani për të lejuar zhvarrosjen dhe rivarrimin, gjithashtu kanë kërkuar që gjatë procedurës, përmes policisë, të ju sigurohet privatësi e plotë.
Liridona Ademaj është vrarë më 29 nëntor në Prishtinë. Në mesin e tre të dyshuarve për vrasjen e 30-vjeçares është edhe burri i saj, Naim Murseli.
Në seancën dëgjimore të mbajtur të dielën, Gjykata Themelore e Prishtinës u caktoi nga një muaj paraburgim tre të dyshuarve, dhe të njëjtit janë dërguar në Burgun e Sigurisë së Lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.