.png)
Ujëvara Iguazu janë sisteme ujëvarash në lumin me të njëjtin emër në kufirin mes provincës argjentinase të Misiones dhe shtetit brazilian Parana. Ujëvara Iguazu përbën sistemin më të madh të ujëvarave në botë dhe gjithashtu konsiderohet si më e bukura. Në kohë reshjesh ajo krijon një larmi të madh të ngjyrave, pasi pjesë të lumit turbullohen nga prurjet e shumta.
Lumi Iguazu rrjedh përreth qytetit Curitiba. Për pjesën më të madhe të rrjedhës së tij, lumi kalon nëpër Brazil, megjithatë, shumica e ujëvarave janë në anën argjentinase. Nën ndërthurjen e tij me lumin San Antonio, lumi Iguazu formon kufirin mes Argjentinës dhe Brazilit.
Emri ka ardhur nga gjuha vendase e amerikano latinëve para-kolonial, që do të thotë uji i madh. Legjenda vendase për këtë ujëvarë thotë se zoti i ujërave planifikoi të martohej me një grua të bukur, të quajtur Naipí, e cila u largua me të dashurin e saj të vdekshëm Tarobá me një kanoe. Në tërbim e sipër, zoti i ujërave kur mori vesh këtë lajm e rrëzoi shtratin e lumit, duke krijuar ujëvarat dhe i dënoi me vdekje dy të dashuruarit. Europiani i parë që regjistroi ekzistencën e kësaj ujëvare ishte eksploratori spanjoll, Alvar Nunez Cabeza de Vaca në vitin 1541.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
