.png)
Komisioni Europian tha të mërkurën se ka caktuar gjashtë gjigantë të teknologjisë si “roje” (gatekeeper) sipas Aktit të tij të ri të Tregjeve Digjitale – një grup rregullash të ashpra të vendosura për të tronditur modelet e biznesit të platformave të mëdha virtuale.
Komisioni tha se bëhet fjalë për Amazon, Apple, Alphabet (Google), Meta (FB, Instagram), Microsoft dhe ByteDance i Kinës (Tiktok) si "portierë". Termi i referohet platformave masive të internetit për të cilat BE-ja mendon se po kufizojnë aksesin në shërbimet bazë të platformës, si kërkimi në internet, reklamimi dhe mesazhet.
Kompanitë konsiderohen të tilla sepse plotësojnë disa kritere sasiore: një qarkullim vjetor prej të paktën 7.5 miliardë euro në tregun europian ose një kapitalizim tregu prej të paktën 75 miliardë euro, dhe më shumë se 45 milionë përdorues mujorë dhe 10.000 përdorues vjetorë biznesi në territorin e BE-së.
Kjo fuqi ekonomike u ka dhënë atyre një pozicion të palëkundur dominimi në ekonominë digjitale, thotë Komisioni Europian, dhe kërkon një grup të ri rregullash të rrepta që mund të frenojnë tepricat e tyre të pushtetit, të sigurojnë zgjedhje të lirë për qytetarët, të ulin pengesat për konkurrentët dhe të krijojë përgjegjshmëri më të madhe.
"Është një moment historik shumë i rëndësishëm për lirinë dhe inovacionin online në Europë," tha Thierry Breton, Komisioneri Europian për tregun e brendshëm, duke premtuar zbatim të fortë. "Asnjë platformë në internet nuk mund të sillet sikur të ishte shumë e madhe për t'u kujdesur."
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
