Një ngjarje e paprecedentë ka ndodhur në qytetin e Lezhës këtë të hënë.
Një punonjës i rrugës së këtij qyteti ka dhunuar priftin ortodoks, Koço Kapedani.
Rasti i paprecedent është bërë publik nga kryetari i FRPD-së në Lezhë, Albert Loçi.
Loçi ka publikuar videon, ku shihet punëtori i firmës së kontraktuar nga Bashkia Lezhë, teksa ushtron dhunë ndaj priftit ortodoks të qytetit.
Burri godet priftin me një send të fortë, që dyshohet se është hekur.
“Prifti Ortodoks i Lezhës z.Koço Kapedani, rrihet nga punëtorët e firmës së kontraktuar nga Kryetari i Bashkise Pirro për “kryerjen e punimeve” dhe për dhunimin e qytetarëve.
Mirë se kjo firmë ka disa muaj që e ka shkatërruar Lezhën dhe lagjet e saj (Beselidhja, Gurra) dhe nuk mban përgjegjësi për afatin e kryerjes së punimeve, por tashmë ka filluar të dhunojë dhe qytetarët lezhjanë”, shkruan kryetari i FRPD-së, Albert Loçi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
