.png)
Mungonte vetëm zyrtarizimi, që tashmë ka ardhur: Gereth Bejl është një lojtar i Totenhemit. Uellsiani kaloi vizitat mjekësore në Londër dhe “gjelat” e kanë prezantuar me një video speciale. Përveç Bejlit, Totenhemi i Zhoze Mourinjos ka marrë nga Real Madrid edhe spanjollin Serxho Reguilon, i cili luan si mbrojtës i krahut të majtë .
Një tjetër lëvizje në Premier Ligë është kalimi i 23-vjeçarit turk të Romës, Çengiz Under, te Leiçesteri. Mesfushori-sulmues kalon në formë huazimi për 3 milionë euro, me të drejtën e blerjes për 23 milionë euro nga klubi anglez.
Jurgen Klop nuk është mjaftuar me Tiago Alkantarën, i ardhur nga Bajer Mynih një ditë më parë. Trajneri gjerman ka marrë edhe sulmuesin portugez Diogo Jota, i cili sezonin e fundit ishte pjesë e Volverhemptonit. Jota ka bërë një paraqitje shumë të mirë dhe kampionët në fuqi të Anglisë nuk kanë hezituar ta marrin lojtarin që luan si sulmues qendre, por edhe në krahun e majtë.
Lëvizje të tjera ka edhe në kampionatet e tjera, ku kryesisht flitet për huazime. Luis Suarez ka refuzuar transferimin tek Inter Majemi i Dejvid Bekham dhe e ardhmja e tij mbetet mister, ndërsa Juventusi pret të zyrtarizojë Xhekon, edhe pse boshnjaku në fakt është grumbulluar nga Roma për ndeshjen e parë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
