.png)
Gazeta Si – Goli i kapitenit u ka dhënë fitoren kampionëve të Botës ndaj Ekuadorit. Fitore edhe për Kolumbinë, 1-0 ndaj Venezuelës, ndërsa Paraguai-Peru u mbull në barazim 0-0.
Kualifikueset e Botërorit 2026 në Amerikën e Jugut janë hapur me shenjën e Argjentinës kampione dhe Lionel Mesit. Goditja fituese e kapitenit në minutën e 78-të vlejti suksesin në ‘Monumental’ kundër Ekuadorit. Kampionët në fuqi marrin menjëherë kreun e klasifikimit, bashkë me Kolumbinë, që mundi Venezuelën me golin e Borre.
Mesi është rinisur aty ku e kishte lënë, në mënyrën më të mirë. Skaloni e nisi ndeshjen me Mesin, Lautaro Martinez dhe Niko Gonzalez në sulm. Kapiteni iu afrua golit në pjesën e parë, kurse Lautaro goditi shtyllën. Në fund erdhi goli i fitores me firmën e përhershme të Lionel Mesit me goditje dënimi. Publiku në delir për golin e “Pleshtit”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
