.png)
Gazeta Si - Kërkesa e ish-ministrit të Mjedisit Lefter Koka për ndryshimin e masës së sigurisë nuk është pranuar nga Gjykata e Lartë.
Vendimi është marrë më 6 tetor 2022, në të njëjtën ditë me atë të shpallur nga Gjykata e Posaçme, e cila pranoi kërkesën e ish-deputetit Alqi Bllako për masë më të lehtë, duke e çuar në arrest shtëpie.
Por ashtu, Gjykata e Lartë ka rrëzuar edhe kërkesën për ndryshim të masës së sigurisë të 3 zyrtarëve të tjerë të arrestuar për këtë çështje.
LEXO EDHE:
- Lefter Koka bashkëpunëtor i drejtësisë? Avokatët: Nuk ka pse të jetë i penduar
- Lefter Koka, mbi 3 orë dëshmi para SPAK-ut: Kam zbatuar ligjin, kompanitë për Fierin nuk i njoh
- Si fitoi miliona Lefter Koka përmes kompanisë së vëllait. Të gjithë blenë sheqer, njëri prej tyre i pagoi qiranë ish-ministrit
Në këtë mënyrë, anëtarët e gjykatës nuk kanë pranuar rekursin e Lefter Kokës, Arenc Myrtezanit, dhe Pëllumb Abeshi, të cilët do vijojnë të qëndrojnë në burg të paktën deri në përfundim të hetimeve.
Anëtarët e Gjykatës së Lartë vendosën mospranim të rekursit edhe për Etleva Kondin, për të cilën do vijojë masa e arrestit shtëpiak.
Lefter Koka u arrestua më 14 dhjetor 2022 me urdhër të SPAK, ndërsa u shpallën në kërkim Klodian Zoton dhe Stela Gugalla, dy drejtuesit e kompanisë fituese të inceneratorit të Fierit dhe Elbasanit.
Ndërkohë ish deputeti i PS, Alqi Bllako rifitoi një ditë më parë lirinë vetëm 6 muaj pas arrestimit për skandalin e incineratorëve.
Vendimi u dha nga gjyqtarja Irena Gjoka, e cila kishte dhënë më parë edhe vendimin e arrestit për ish-funksionarin socialist.
Ndaj ish-ministrit të Mjedisit rëndojnë tre akuza, ajo e “Korrupsionit”, “Shpërdorimit të detyrës” dhe ajo e pastrimit të parave”.
Sipas prokurorisë, ministria e Mjedisit nën drejtimin e Kokës nuk ka kryer veprimet e plota përgatitore për dhënien e koncensionit.
Nga ana tjetër SPAK pretendon se, Koka ka përfituar përmes ryshfetit 1.2 milionë euro për ndërtimin e inceneratorit të Fierit, e për këtë shkalla e parë ka caktuar masën sigurisë “arrest me burg”.
Koka akuzohet edhe për Inceneratorin e Elbasanit që sipas prokurorisë ish-ministri ka marrë ryshfet 3.7 milionë euro për ndërtimin e tij
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
