Suad Lici ka njoftuar prej disa ditësh dorëheqjen e tij nga posti i administratorit të klubit të futbollit Vllaznia, ndërsa tashmë gjithçka është bërë zyrtare. Kërkesa e Licit ka marrë miratimin e Këshillit Mbikëqyrës të skuadrës shkodrane, që menjëherë ka menduar edhe për njeriun i cili do të zërë vendin e administratorit të klubit, të lënë bosh tashmë.
Është Benjamin Naku emri që do të marrë përsipër këtë pozicion në klubin historik të futbollit shqiptar. Lajmin e bën të ditur vetë klubi i Vllaznisë, që përmes një njoftimi në faqen zyrtare prezanton emrin e administratorit të ri. Naku njihet për karrierën e suksesshme si sportist, por edhe si pedagog dhe drejtues i Departamentit të Edukimit Fizik e Sporteve, në Fakultetin e Shkencave të Edukimit pranë Universitetit të Shkodrës “Luigj Gurakuqi”.
Ndërkohë bëhet me dije se Suad Lici do të vazhdojë të jetë pjesë e kuqebluve, por këtë herë si Koordinator Teknik. Kjo është bere e ditur përmes komunikatës zyrtare te shpërndarë nga vetë drejtuesit pasditen e sotme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.