.png)
Vijnë reagimet e para për aktin e Ramush Haradinajt për dorëheqjen e parevokueshme nga posti i kryeministrit të Kosovës.
I pari që reagoi menjëherë ka qenë ministri i Diasporës, Pandeli Majko duke e cilësuar si një akt prej burrit të shtetit.
Me anë të postimi në rrjetet sociale, Majko i njohur si kryeministri i luftës së Kosovës shprehet se ai kreu një akt që i bën nder Kosovës.
"Ramush Haradinaj ka dhënë dorëheqjen nga posti i kryeministrit si një burrë shteti. Ai kreu një akt që i bën nder Kosovës shtet që drejtohet nga shtetarë të cilët bëjnë dallimin e fatit personal me atë të sigurisë kombëtare. Veprat e një njeriu vlejnë më shumë se dobësitë e tij.
Sot jam me Ramushin! Të falenderoj komandant për shembullin e luftës, dhe sot në atë të paqes", shkruan Majko në Facebook.
Një qëndrim mbajti menjëherë edhe lideri i opozitës, Lulzim Basha, ku aktin e Haradinajt e vlerësoi si tejet të lartë.
“Dorëheqja e kryeministrit Ramush Haradinaj është akti i një njeriu që ve Atdheun mbi gjithçka. Ramushi i ka shërbyer gjithmonë me vetëmohim Kosovës, në ditë të mira dhe në ditë të këqija. Ramush Haradinaj është Kosova – Kosova e lirë, Kosova e pavarur, Kosova europiane. Askush dhe asgjë nuk e përdhos dot luftën çlirimtare të Kosovës dhe sakrificën sublime të familjes Haradinaj në altarin e lirisë!” shkruan Basha nëTwitter.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
