.png)
Jep dorëheqjen kryeministri i Kosovës, Ramush Haradinaj.
Siç raportojnë mediat kosovare, lajmin e ka bërë të ditur vetë Haradinaj në mbledhjen e qeverisë.
Në fund të mbledhjes së qeverisë ai ka bërë të ditur se ka dhënë dorëheqje të parevokueshme.
Ndërkohë, në një konferencë për media, Haradinaj ka treguar arsyen e largimit pas ftesës nga Gjykata Speciale që po heton përfshirjen e drejtuesve të UÇK-së në krime të mundshme gjatë luftës.
“Kam dhënë dorëheqje prej kryetarit të qeverisë. Nga ky moment japim dorëheqje si qeveri. Jam thirrur të intervistohem si i dyshuar nga Specialja. Javën tjetër do të kem paraqitje”, është shprehur ai.
Nën emocion, Haradinaj thotë se dorëheqja është e parevokueshme, pasi dëshiron të shkojë si qytetar i lirë përpara Gjykatës Speciale.
“Kam vlerësuar se nuk mundem të paraqitem si kryetar i qeverisë, por si një qytetar për të ruajtur nderin e kryetarit të qeverisë dhe ndaj kam marrë këtë vendim”, tha midis të tjerash Haradinaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
