Lamtumirë egos në biznes: Bota rrotullohet rreth klientëve

Eric Berkowitz/ Forbes-Në kohën tonë, çdo biznes ndryshon vazhdimisht. Për shumë prej nesh, pjesa më emocionuese është zbulimi i mënyrave të reja për të vazhduar më tej. Në ekonominë e shërbimit, kurrë nuk ka qenë më i dukshëm fenomeni i ndryshimit. Nëse doni të lulëzoni, duhet vazhdimisht të evoluoni, të dëgjoni dhe të rriteni për të qëndruar në linjë me klientët tuaj.

Kur isha 22 vjeç, biznesi i parë ku investova ishte një kompani tregtare pastrimi. Unë punoja në shtëpitë e njerëzve dhe në hapësira private e për ndërtuesit komercialë gjithashtu. Si një kompani e re, secili klient mund të ndikonte në rritjen apo fundsjen e biznesit tim. Kjo filozofi ka përshkuar gjithë karrierën time.

Le të përballemi. Ne jemi ofruesit e shërbimeve. Puna jonë duket e thjeshtë: t'i shërbejmë klientëve tanë. Dhe ende disa njerëz thjesht duket sikur nuk e kuptojnë këtë.

Klienti është gjithmonë i pari

Në marrëdhënien shitësi-klient, klienti duhet të qëndrojë përherëë në krye të tabelës. Ata janë burimi ynë më i madh i shërbimit. Jetojnë dhe frymëmarrin markat e tyre. Ata e dinë se çfarë do të thotë suksesi, e madje se çfarë do të thotë dështim në biznes. E për hir të së vërtetës, ata e dinë se nevojat e biznesit të tyre janë më të mëdha se tonat.

Unë kam parë shumë nga konkurrentët që janë përqëndruar në egot e tyre, duke bërë atë çfarë

i bën ata të duken më të mirë për tu rrahur shpatullat, me qëllimin kryesor fitimin e parave.

Se ekziston një model i ri shërbimi i cili tashmë ka krijuar rrënjë të thella, por më lehtë është të thuhet se të bëhet. Për të qenë të suksesshëm në terma afatgjatë, vlerësoni në radhë të parë vazhdimisht nevojat e klientit tuaj dhe në radhë të dytë nevojat e kompanisë suaj.

Si të vlerësoni nevojat e klientëve

Si mund të plotësojmë nevojat e klientëve në mënyrë inteligjente dhe të fitojmë vlerë reale duke mos shpenzuar kohë për të mësuar se çfarë ka më shumë rëndësi për ta?

Si një pronar / operator, unë kam fituar diçka që jo gjithkush ka për të ofruar. Kjo diçka është një perspektivë e dyfishtë. Unë mund të lidhen me një punonjës, sepse unë kam qenë në lëkurën e tyre, por gjithashtu mund të bëhem njësh me sipërmarrësin. Mendoj që klientët duan të dinë se jeni të ndërgjegjshëm për atë së çfarë luhet. Ata duan të dinë se po hyjnë në një partneritet kuptimplotë dhe jo vetëm në një marrëveshje.

Është e domosdoshme të pasurit e një profili të caktuar lideri që të përballet me klientin në atë mënyrë që pjesa më e madhe e pronarëve të ndërmarrjeve nuk e bëjnë. Më pëlqen të mendoj se njerëzit kanë më shumë gjasa të lidhen me ju jo vetëm në jetë, por edhe në biznes nëse jeni të gatshëm të flisni me ta me ndershmëri për atë që i drejton ata. Këto lloje bisedash zhvillojnë besimin dhe marrëdhëniet. Këto lidhje janë tulla dhe llaç i themelit mbi të cilin ndërtohet besnikëria dhe bashkëpunimi. Ka pasur më shumë se një rast ku një bisedë rreth peshkimit në det të thellë ka çuar në një bisedë më të thellë dhe më inteligjente rreth pasionit të klientit për produktin e tyre dhe atë që kanë nevojë nga një partneritet në biznes.

Është e lehtë të ti kërkosh një klienti tu përgjigjet pyetjeve evidente, të tilla si: "Cili është buxheti juaj në dispozicion, çfarë afatesh pune keni, cilat janë objektivat dhe rezultatet përfundimtare?" E gjithë kjo është e rëndësishme, por çdokush në organizatën tuaj mundet dhe duhet t'i bëjë këto pyetje kur të vijë koha. Hidhuni në një nivel tjetër; kërkojni një klienti se përse bën atë që bën dhe do të zbuloni më shumë çfarë ju nevojitet.

Në një kohë kur shumë nga kategoritë që zënë bizneset e klientëve tanë janë maturuar dhe janë në rritje të vazhdueshme, ne duhet të kërkojmë mënyra të reja për t'i ndihmuar ata, jo të mendojmë vetëm për veten tonë. Ne duhet që të rivlerësojmë vazhdimisht shërbimet tona dhe t'i bëjmë ato më cilësore.

Si të përshtasni shërbimet Tuaja ndaj klientëve

Sot në një nga kompanitë e mia, modeli klienti është i pari, do të thotë të ndihmoj klientët të kuptojnë se si të bëjnë më shumë me më pak kur bëhet fjalë për krijimin dhe prodhimin e përmbajtjeve. Ne përqëndrohemi në gjetjen e mënyrave të reja për të bashkëpunuar dhe për të ngushtuar hendekun midis ideve dhe ekzekutimit me qëllimin e vetëm që t'u mundësojmë atyre të bëjnë më shumë me më pak - të krijojnë më shumë, të prodhojnë më shumë, të angazhohen më shumë konsumatorë dhe në fund të shesin më shumë.

Ju gjithashtu duhet të pyesni veten nëse ju, si një biznes, mund të akomodoni nevojat e klientëve tuaj jo vetëm tani, por edhe më vonë. Çfarë ndodh kur ata rriten? A mund të rritet biznesi juaj me ta? Unë gjithmonë them se për pronarët e bizneseve, gjëja më e rëndësishme është që të kemi një plan daljeje. Është e kundërta e leximit të një romani të mirë. Në biznes, ju doni të keni një pasqyrë të qartë të fundit të historisë në mënyrë që të mund të parashikoni vështirësitë dhe t'i menaxhoni ato në mënyrë efektive.

Është saktësisht e njëjta gjë edhe me klientët. Ulu në nivelin e tyre dhe pyeti ata se cili mund të jetë plani i tyre i daljes. U thoni atyre se kjo do t'ju ndihmojë të planifikoni një bashkëpunim të gjatë dhe të frutshëm. Çfarë ndodh nëse, si rezultat i partneritetit tuaj, klienti juaj arrin suksesin herët? Si pronar biznesi, a jeni angazhuar për rritje dhe zgjerim? Bëni një plan biznesi për organizatën tuaj që tregon se si do t'i përshtasë shërbimet ndaj klientëve ndërsa ata rriten. Tregoju atyre që në fillim. Unë garantoj se një marrëdhënie e tillë do t'i shpjerë ata larg.

Gjithmonë kërkoni mënyra të reja për të rifreskuar ofertën tuaj të shërbimit, edhe nëse kjo do të thotë prishjen e statusit. Dëgjoni dhe rregulloni. Kujtojani vetes se është e gjitha për klientët tuaj. Ju nuk do të keni një biznes pa ta, prandaj kontrolloni egon tuaj dhe mbani një mendje të hapur për të gjetur mënyra të reja për t'i shërbyer nevojave të tyre gjithnjë në ndryshim.* Përgatiti: Sabina Veizaj

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.