Lagarde thotë se rritja e normës së BQE-së mund të duhet të vazhdojë përtej marsit

10:52 - 02 Mars 2023

Presidentja e Bankës Qendrore Europiane, Christine Lagarde tha se rritja e normave të interesit mund të duhet të vazhdojë përtej një lëvizjeje të planifikuar me 0.5% gjatë këtij muaji.

Rritja e marsit është edhe e nevojshme dhe shumë e mundshme, tha Lagarde për emisionin televiziv spanjoll Espejo Publico të enjten në mëngjes(2 mars).

Politikëbërësit do të bëjnë gjithçka për ta kthyer inflacionin në objektivin 2% nga më shumë se katërfishi se tani, tha ajo, duke refuzuar të spekulojë se si do të hiqen përfundimisht kostot e larta të huamarrjes

Shefja e BQE-së do të kryesojë një rritje të dytë radhazi të normës me 0.5%, ndërsa zyrtarët vazhdojnë përpjekjet e tyre për të luftuar inflacionin pas të dhënave evropiane më të forta se sa pritej këtë javë.

Investitorët tani shohin se norma e depozitave po ngrihet në një kulm prej 4%, nga niveli aktual prej 2.5%.

Burimi: Bloomberg/Përshtati Gazeta Si

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.