.png)
Mauricio Sarri është zyrtarisht trajneri i ri i Lacios. Njoftimi zyrtar ka ardhur në një mënyrë shumë të veçantë. Në profilin Tuiter të klubit është shfaqur emoji i një cigareje me imazhin e pasuesit të Simone Inzagit.
Ditët e fundit emri i trajnerit të ri ishte lidhur me cigaren në rrjetet sociale për të shpjeguar trativat që zgjatën gati dy javë. Drejtuesit e Lacios deshën ta çonin deri në fund këtë operacionin, pas divorcit traumatik me Inzagin. Lotito këmbënguli te Sarri për të synuar rikthimin në Champions.
🚬👕📱🏦 pic.twitter.com/XrJzCfa0SF
— S.S.Lazio (@OfficialSSLazio) June 9, 2021
Sarri ka firmosur një kontratë dyvjeçare, me opsionin e zgjatjes edhe për një sezon tjetër. Ai do të përfitojë tre milionë euro në vit, plus bonuset. Trajneri toskan u bind të pranonte propozimin e Lacios, pasi vlerësoi edhe organikën e skuadrës.
Sarri ka kërkuar konfirmimin e lojtarëve kryesorë, si Milinkoviç-Saviç, Imobile, Açerbi dhe Luis Alberto. Po ashtu, ka kërkuar 5 përforcime, mes të cilëve edhe mbrojtësin e Kombëtares, Elseid Hysaj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
