Gazeta Si – Trajneri Stavri Nica u largua nga Laçi që pas javës së parë të kampionatit, ku kurbinasit barazuan 3-3 me Erzenin. Një histori e njohur kjo mes klubi kurbinas dhe trajnerit durrsak, që ndahen vazhdimisht dhe më pas ribashkohen. Këtë herë ndarja ndodhi pak më shpejt nga sa parashikohej.
Vendin e Nicës në stolin e Laçit pritet ta zërë një emër i njohur i futbollit shqiptar, Skerdi Bejzade. Ish-futbollisti i Partizanit, Vllaznisë dhe Elbasanit pritet të zyrtarizohet në krye të kurbinasve nga drejtuesit e klubit. Më parë Bejzade ka drejtuar Partizanin dhe Kamzën në Shqipëri.
Ish-sulmuesi kryeqytetas jeton në Gjermani aktualisht, ku ka drejtuar ekipe të kategorive të ulëta të futbollit gjerman. Tani duket se ka ardhur momenti që ai të drejtojë në Superiore një ekip si Laçi, që ka marrë pjesë gati rregullisht edhe në kupat e Europës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.