.png)
Kuvend mblidhet këtë të hënë në seancë plenare, ku mes të tjerash në rendin e ditës është edhe shqyrtimi e miratimi i fondit prej rreth 1.3 mln euro për fushatën e partive politike për zgjedhjet e 25 prillit dhe dy dekrete të Presidentit Ilir Meta.
Tre janë kushtet që përcaktojnë se kush dhe sa përfiton nga fondi për fushatë. Së pari numri i mandateve të fituara ne zgjedhjet e fundit parlamentare, pra në 2017, së dity të paktën 10 mijë vota dhe së treti partia duhet të ketë marrë 1 përqind të votave në rang kombëtar, gjithmonë në zgjedhjet e fundit parlamentare.
Nisur nga këto kushte dhe sipas vendimit të KQZ-së, pjesa më e madhe e fondit shkon për Partinë Socialiste, rreth 63 mln lek, ndjekur nga PD 38 mln, LSI 20 mln lek, PDIU 7 mln, PSD 5 mln dhe LIBRA 4 mln lek.
Ndërkohë, sa i takon dekreteve të Presidentit Ilir Meta, kreu i shtetit ka kthyer për rishqyrtim përjashtimin nga taksa e rentës minerare për mineralet metalore që përpunohen në vend dhe eksportohen në formën e nënprodukteve minerare për 3 vjet, si edhe ligjin për miratimin e nivelit të tarifës doganore.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
