.png)
Presidenti Ilir Meta, pritet të jetë zyrtari më i lartë i shtetit i shkarkuar me një komision hetimor nga Kuvendi, nëse nisemi nga numri i votave, që mori ngritja e tij.
Të mërkurën deputetët kanë vetëm një rend dite; shqyrtimi dhe diskutimi i raportit të komisionit hetimor për shkarkimin e tij.
Presidenti Ilir Meta, më herët, e ka konsideruar “nul” funksionin e këtij komisioni.
Ai nuk u paraqit asnjëherë para tij, herë duke u justifikuar me axhendën e zënë e herë duke mos e njohur atë.
Kreu i komisionit hetimor, Alket Hyseni pritet të mbajë një fjalë të gjatë në Kuvend, ndërsa më pas priten edhe diskutime.
Në anën tjetër, Presidenti i Republikës, Ilir Meta, kaloi momente festive teksa priti Ansamblin Folklorik te Dibrës “Hazis Ndreu” ku u zhvillua një aktivitet kulturor.
“Gjatë këtij aktiviteti, Presidenti Meta do të nderojë me Tituj edhe disa nga personalitetet e shquara të këtij Ansambli, si dhe do të mbajë një fjalë rasti”, njoftoi me heret Presidenca.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
