Gjykata Kushtetuese ka pranuar kërkesën e depozituar nga kreu i grupit parlamentar Gazment Bardhi për shqyrtimin e ligjit për komisionet hetimore.
Zhvillimi i seancës publike do të bëhet më 27 maj.
Pas marrjes në shqyrtim të kërkesës së Bardhit, ligji i miratuar në Kuvend për komisionet hetimore do të pezullohet.
Në kërkesën e firmosur nga Kryetari i Grupit, Gazment Bardhi, thuhet se ligji mbart interes të veçantë publik, pasi lidhet me kontrollin e kuvendit ndaj ekzekutivit.
Më herët, Bardhi i kishte dërguar edhe një letër Kushtetueses me argumentin se duhet ta shqyrtonin kërkesën sa më shpejt sa kohë që në Kuvend po ngriheshin dy komisione hetimore
“...Shqyrtimi me përparësi i kësaj çështjeje duhet të marrë në konsideratë edhe faktin se kërkesa për ngritjen e një komisioni hetimore, e cila ndodhet e depozituar tashmë në Kuvendin e Shqipërisë (shih paragrafin 39 të kërkesës), ashtu si edhe kërkesat e tjera në të ardhmen mund të kenë pasoja të drejtpërdrejta nga aplikimi i Ligjit nr. 106/2023. Po ashtu, Gjykata duhet të konsiderojë faktin se legjislatura parlamentare aktuale është në vitin e saj të fundit dhe zgjatja në kohë e shqyrtimit të kësaj kërkesë dëmton drejtpërdrejtë hetimin parlamentar,” thuhej në shkresë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.