.png)
Gazeta Si – Të tjerë lojtarë të Kombëtares luajtën sot në kompeticionet europiane. Pas Hysajt dhe Mujës në Champions, sot ishte radha e Gjimshitit dhe Laçit në Ligën e Europës, si dhe e Muçit në Ligën e Konferencës.
Gjimshiti nuk njeh pushim: Kombëtare, Seria A, Liga e Europës. Mbrojtësi kuqezi, tashmë edhe kapiten i kuqezinjve, po kompleton gjithmonë e më tepër profilin e tij prej lideri. Ai ishte ndër më të mirët për Atalantën në barazimin 2-2 ndaj Shturm Gracit në transfertë. Bergamasëkt u barazuan 10 minuta para fundit, megjithatë kryesojnë grupin e tyre me 7 pikë pas 3 ndeshjesh.
Titullar e nisi ndeshjen edhe mesfushori Qazim Laçi. Sparta e Pragës barazoi pa gola në fushën e saj ndaj Gllasgou Rejnxhërs. Futbollisti i Kombëtares shqiptare qëndroi në fushë për 65 minuta.
Në Ligën e Konferencës, Ernest Muçi luajti nga minuta e parë për Legian e Varshavës. Po ashtu, titullar ishte edhe mesfushori Jurgen Çelhaka dhe që të dy ish-lojtarët e Tiranës u zëvendësuan në pjesën e dytë. Legia fitoi 1-2 në fushën e Zrinskit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
