.png)
Gazeta Si – Turneu do të zhvillohet në Shtetet e Bashkuara të Amerikës, nga 20 qershori deri më 14 korrik, në të njëjtën kohë me Europianin. Kampionët në fuqi të botës dhe Seleçao mund të takohen vetëm në finale.
Numërimi mbrapsht për Kupën e Amerikës 2024 ka filluar zyrtarisht. Është hedhur shorti i grupeve për këtë event, në bazë të këtyre kritereve: 4 koka vazosh (Argjentina, Brazili, Meksika dhe SHBA-të), si dhe nuk mund të ishin në të njëjtin grup 3 skuadra të Concacaf ose Conmebol, me Brazilin dhe Argjentinën që kryqëzohen mundësisht vetëm në finale.
Këto dy kombëtare në fakt do të luajnë në dy brigje të ndryshme të SHBA-ve, që presin këtë turne. Pas shortit të hedhur në Majemi, Argjentina ra në Grupin A, bashkë me Kilin, kurse Brazili në grupin D, me Kolumbinë. Finalja do të zhvillohet në Majemi.
Grupi A: Argjentinë, Peru, Kili, fituesi i Kanada-Trinidad Tobago.
Grupi B: Meksikë, Ekuador, Venezuelë, Xhamajkë.
Grupi C: SHBA, Uruguai, Panama, Bolivi.
Grupi D: Brazil, Kolumbi, Paraguai, fituesi i Honduras-Kosta Rika.
¡El fixture de La CONMEBOL Copa América™️ 2024! 🗓️✍🏼
— CONMEBOL Copa América™️ (@CopaAmerica) December 8, 2023
A tabela da CONMEBOL #CA2024! 🗓️🤩
The fixture of the CONMEBOL #CA2024! 🗓️⚽ #VibraElContinente #VibraOContinente #RockingTheContinent pic.twitter.com/HZteb7cV8i
Ndeshjet shtesë do të luhen në muajin mars, gjatë ndërprerjes për ndeshjet e kombëtareve. Formula parashikon 4 grupe me nga 4 skuadra.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
