Nga Gazeta ‘Si’- Ministrja e Turizmit, Mirela Kumbaro njoftoi sot pas mbledhjes së qeverisë se vitin e ardhshëm do të kemi një metodologji të re të sistemit të statistikave në turizëm.
“Kemi filluar ndryshimet në ligjin e turizmit që është ende në javë konsultimi. Jo vetëm në sektorin e hotelerisë por edhe të operatorëve turistikë detarë, 2023-shi ka shënuar një përmirësim në dimensione 70-80%. Në 2021-shin kishim 11 operatorë detarë të certifikuar, sot mbi 100, kjo si pasojë e kontrollit shumë të fortë që është ushtruar.
Statistikat që nxjerrim tani i bëjmë si kryqëzim të burimeve të ndryshme nga INSTATI, nga tatimet nga Ministria e Financave dhe nga bashkitë.
Por ekziston në botë një instrument i dedikuar për turizmin si një platformë ku kryqëzohen të dhënat online nga pushteti vendor, sektori privat dhe pushteti qendror. Ky instrument është duke u ndërtuar. Për vitin 2024 do ta kemi të gatshëm për të parën herë atë që quhet Satellite Account of Tourism(SAT) dhe e radhit Shqipërinë në vendet me sukses në turizëm”, deklaroi ajo.
Gjithashtu Kumbaro theksoi se po punojnë për të formalizuar taksën e fjetjes ndonëse nuk ndau shumë hollësi.
“Hotelet duhet t'i paguajnë bashkive taksë fjetje për çdo turist që kalon një natë në territorin e asaj bashkie në këta struktura. Jemi duke parë në sistem transformimin për ta formalizuar dhe digjitalizuar”, deklaroi ajo.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.