Gazeta Si – Kampionati i Superiores ka nisur sot fazën e dytë me dy ndeshje, ku u shënua vetëm një gol. Ai gol që i dha Kukësit fitoren e dytë radhazi dhe ndëshkoi Vllazninë. Skuadra e trajnerit Stavri Nica vazhdon ngjitjen në renditje, duke shkuar 13 pikë pas 10 javësh.
Dhe fitorja e Kukësit merr vlera edhe më të mëdha, po të kemi parasysh faktin se u arrit me 10 lojtarë. Kuksianët mbetën me 10 vetë në fundin e pjesës së parë, kur Endri Reçi u ndëshkua me karton të kuq për një faull të rëndë. Atdhe Rashiti realizoi me kokë golin e fitores 4 minuta para fundit të ndeshjes.
Vllaznia nuk diti të përfitonte nga superioriteti numerik për gjithë pjesën e dytë. Shkodranët kanë zbritur një shkallë në renditje, pasi janë parakaluar pikërisht nga Kukësi.
Ndeshja tjetër e luajtur sot, ajo mes Erzenit dhe Laçit, përfundoi me rrjeta të paprekura. Java e 10-të e Superiores vazhdon të shtunën me derbin Tirana-Partizani, Skënderbeu-Egnatia dhe Teuta-Partizani. Për monentin renditjen e kryeson Egnatia, me 19 pikë, e ndjekur nga Partizani me 17 pikë, por me një ndeshje më pak.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.