.png)
Kryepeshkopi Anastas doli të hënën nga spitali “Evangelismos”, ku po kurohej prej afro dy javësh.
Kisha Orthodhokse Autoqefale e Shqipërisë njoftoi se Fortlumturia e Tij Janullatos do të vazhdojë trajtimin mjekësor të nevojshëm në shtëpi, në Athinë.
Krahas politikanëve grekë e shqiptarë që kanë shprehur interes për shëndetin e tij, Kryepeshkopi Anastas falënderon miqtë e panumërt, klerikë dhe laikë, të njohur dhe të panjohur, që e mbështetën me lutjet e përzemërta dhe me shprehjet spontane të dashurisë së tyre gjatë kësaj kohe.
“Pjesëmarrja e heshtur në vuajtjen e popullit të Perëndisë ndihmon në mënyrë mistike në arritjen e kohezionit social. Dashuria spontane e sinqertë gjithmonë fal fuqi në çastet e vështira të njerëzve. Dashuria është gjëja më e vyer që mund të ekzistojë në botë”, thuhet në postimin e Kishës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
