.png)
Marrëdhënia e tyre nuk ishte aq e mirë edhe kur LSI-ja dikur bashkëqeveriste me PD-në.
Por Monika Kryemadhi u kujdes të tregohej korrekte ndaj lëvizjes se fundit të Jozefina Topallit (me shumë për rolin e saj si grua), duke i kujtuar asaj në mënyrë jo të drejtpërdrejtë (dhe jo pa qëllim) se Kodi i ri Zgjedhor nuk e favorizon.
“I uroj suksese znj. Topalli. Një alternativë më shumë, një grua më shumë, kështu që i uroj suksese në të gjithë hapat e saj.
Ne jemi të hapur për të gjithë nuk është çështje e partive politike, këtu është çështja të gjithë kundër sektit të Rilindjes, pastaj partitë politike mund të përfshihen si të duan.
Kodi i ri u krijon problem partive të reja dhe atyre që duan të kandidojnë. Kodi i vjetër iu jepte mundësi partive të reja që dhe me 5000 vota apo 4500 të merrnin një vend në parlament, ndërsa me Kodin e ri e kanë të pamundur”, tha Kryemadhi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
