Kriptot arritën kulmin një vit më parë, investitorët kanë humbur më shumë se 2 trilion dollarë që atëherë

Një vit pasi Bitcoin kapi 68 mijë dollarë, vlerësohet poshtë 18 mijë dollarë. Industria është goditur nga sfida makroekonomike, forcat e tregut dhe skandale.

Ajo që përflitej si një dimër kriptosh përfundoi me një katastrofë këtë javë me rënien spektakolare të FTX.

Një vit më parë në këtë kohë, investitorët e përshkruanin Bitcoin si e ardhmja e parasë dhe Ethereum si zhvilluesi kryesor. NFT-të po shpërtheni po ashtu.

Mesa duket ai paska qenë kulmi i kriptove.

Në 12 muajt që kur Bitcoin arriti në mbi 68.000 dollarë, dy monedhat më të mëdha digjitale kanë humbur 3/4 e vlerës së tyre, duke u rrëzuar së bashku me stoqet më të rrezikshme të teknologjisë. Industria, dikur e vlerësuar me rreth 3 trilion dollarë, tani qëndron në rreth 900 miliardë dollarë.

Kriptot duhej të sillte transparencë. Të gjitha transaksionet në blockchain mund të gjurmoheshin. Ne nuk kishim nevojë për institucione të centralizuara, banka, sepse kishim libra digjitalë për të shërbyer si burimi i vetëm i së vërtetës.

Kjo narrativë është zhdukur.

“Duke folur për bitcoiners, ne ndihemi sikur jemi të bllokuar në një marrëdhënie jofunksionale me kripto-n dhe duam të largohemi”, tha Michael Saylor, kryetar ekzekutiv i MicroStrategy, një kompani teknologjike që zotëron 130.000 Bitcoin. “Industria duhet të rritet dhe rregullatorët po vijnë në këtë hapësirë. E ardhmja e industrisë është asetet digjitale të regjistruara që tregëtohen në bursa të rregulluara, ku të gjithë kanë mbrojtjen e investitorëve që u nevojiten.”

Tashmë ka shumë dhimbje për të shkuar më tej.

Javën e kaluar, Coinbase raportoi një rënie të të ardhurave prej më shumë se 50% në tremujorin e tretë nga një vit më parë dhe një humbje prej 545 milionë dollarësh. Në qershor, platforma e kriptove uli 18% të fuqisë punëtore.

"Ne jemi duke përditësuar dhe vlerësuar në mënyrë aktive planet tona të skenarit dhe jemi të përgatitur të reduktojmë më tej shpenzimet operative nëse kushtet e tregut përkeqësohen," tha Alesia Haas, shefja e financave të Coinbase, në thirrjen e fitimeve të 3 nëntorit./CNBC

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.