KPA vendos për Besnik Muçin dhe Gjykatën Kushtetuese

Kolegji i Posaçëm i Apelimit vendos të këtë të enjte jo vetëm për karrierën e gjyqtarit kushtetues, Besnik Muçi, por edhe për vetë Gjykatën Kushtetuese.

Nëse KPA e konfirmon në detyrë, atëherë pak gjëra mund të ndryshojnë për zgjidhjen e ngërçit kushtetues. Por, nëse Apeli vendos shkarkimin e tij, atëherë rrezikohet që kushti i vendosur nga Gjermania për ngritjen e Gjykatës Kushtetuese para hapjes së negociatave rrezikon që të mos plotësohet as deri në maj të vitit tjetër.

Largimi i Besnik Muçit do të rikthente nga e para procedurën e plotësimit të vakancës. Ajo nis me shpalljen publike nga ana e Presidentit të Republikës, marrjen e kandidaturave dhe më pas dorëzimin e tyre tek Këshilli i Lartë i Drejtësisë.

Muçi kaloi shkallën e parë të procesit të Vettingut, por vendimi i tij u ankimua nga Komisioneri Publik me rekomandimin e ekspertëve ndërkombëtarë. Pasuria dhe huadhënia nga një biznesmen janë disa nga kontestimet ndaj anëtarit të Gjykatës Kushtetuese. KPA bën të ditur se subjekti i rivlerësimit paraqiti kundërshtimet e tij mbi secilin prej shkaqeve të ankimit të Komisionerit Publik dhe kërkoi lënien në fuqi të vendimit të Komisionit të Pavarur të Kualifikimit të dhënë në gusht të vitit 2018.