Gazeta Si – Ka mjaftuar një gol i Milot Rashicës në stadiumin ‘Fadil Vokrri’ që Kosova të marrë 3 pikët ndaj Izraelit. ‘Dardanët’ kanë fituar 1-0, duke marrë kështu fitoren e dytë në kualifikueset e Euro 2024.
Vedat Muriqi në fillim pati një rast shumë të mirë shënimi, por gjuajtja e tij nga brenda zonës u ndal nga portieri izraelit. Goli do të vinte në minutën e 41-të, kur Rashica depërtoi në zonë dhe gjuajti saktë, duke i dhënë Kosovës 3 pikë të çmuara.
![](https://gazetasi.al/wp-content/uploads/2023/11/kosova-1-816x550.jpg)
Rashica, Muriqi dhe Bytyçi patën raste për ta dyfishuar rezultatin në pjesën e dytë, por nuk ia arritën qëllimit. Kosova qëndron në vend të 4-t edhe pas kësaj fitorejne, me 10 pikë të grumbulluara. Grupi I kryesohet nga Rumania dhe Zvicra, ndërsa Kosova ka shanse vetëm për vendin e 3-të, që mbahet nga Izraeli me 1 pikë avantazh.
Për ndeshjen e sotme ‘Dardanët’ nu kishin në dispozicion dy nga futbollistët e tyre më të mirë, kapitenin Amir Rrahmani dhe sulmuesin Edon Zhegrova. Ndeshja u luajt në masa shumë të rrepta sigurie dhe në një terren të rënduar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.