.png)
Edhe pse globi ishte në fillesë të kërcënimit nga një armik i padukshëm dhe tinëzar kur Kina po infektohej në masë prej tij në funddhjetor, të dhënat e Institutit Shqiptar të Statistikave tregojnë se gjatë dy muajve të parë të vitit, si të huajt, ashtu edhe shqiptarët nuk janë tutur se cfarë po ndodhte në Azinë e largët, por kanë lëvizur sa kanë dashur nga Shqipëria dhe drejt saj.
Më një shkurt mediet italiane bënë me dije se një çift kinez turitësh në Itali pasi kishin kryer një tur në qytetet më të bukura të Italisë, në Verona, Parma e Firence e në fund në kryeqytetin Romë , kishin ngrënë në restorante e fjetur në hotele të ndryshme, shëtitur dhe vizituar monumente, përfunduan në izolim në repartin e sëmundjeve infektive sepse rezultuan pozitiv ndaj Covid-19.
As kjo nuk i trembi italianët e as shqiptarët. Sipas INSTAT në dy muajt e parë të 2020-ës në vendin tonë kanë hyrë 7,6 % më shumë shtetas italianë se në të njëjtën periudhë të një viti më parë, e përkthyer në shifër, në këtë periudhë në Shqipëri kanë hyrë 39 mijë e 476 shtetas italianë.
Me rritje rezulton edhe hyrja e shtetasve spanjollë në vendin tonë, e atyre grekë, amerikanë, polakë, malazezë, etj.
Të huajt në Shqipëri gjatë kësaj periudhe kanë ardhur për pushime, arsye personale dhe bzinesi.
Ajo që vihet re nga të dhënat, rezulton me ulje mbi 50% ardhja në Shqipëri e shtetasve për arsye fetare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
