Mediat greke kanë zbuluar detaje të reja për vdekjen e 33-vjeçarit Bandiol Tusha në burgun famëkeq grek të Koridhalos, më 27 janar 2019.
Sipas raportit të mjekësisë ligjore, shqiptari nga Saranda nuk ka ndërruar jetë për shkak të mbidozës, siç u raportua fillimisht në media, por është mbytur në qelinë e tij nga persona të paidentifikuar.
Shqiptari që vuante dënimin për trafik droge duket se pa kuptuar është përfshirë në intrigën e vrasjes së avokatit grek Michalis Zafiropoulos, pasi dyshohet se kishte strehuar në shtëpi ekzekutorët e tij.
Në qafën e të ndjerit Tusha janë gjetur shumë shenja dhune. Ai njihej me pseudonimin “Clondy”. Autoritetet po hetojnë të kuptojnë nëse vrasja është urdhëruar nga komandanti shqiptar i mafies së burgut në Koridhalos.
Burgu i Koridhalosit, është një nga institucionet penitenciare në Greqi ku disa të dënuar nga Shqipëria kanë humbur jetën vitet e fundit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.