.png)
Ka përfunduar ekspertiza mjeko-ligjore për 27-vjeçarin Enea Ftoj, i cili vdiq të enjten në ambientet e paraburgimit të Korçës. Tre ekspertë, dy të pavarur dhe një i Institutit të Mjekësisë Ligjore, kryen ekspertizën e trupit të pajetë të 27-vjeçarit. Përgjigjja e ekspertizës pritet të dalë pas tre javësh.
Në njoftimin e saj Policia e Korçës deklaron se “nga këqyrja e trupit nuk janë konstatuar shenja dhune dhe nga informacionet paraprake dyshohet se viktima, ka qenë përdorues i lëndëve narkotike”.
Familjarët kanë akuzuar policinë se ka dhunuar 27 vjecarin dhe ky është edhe shkaku i vdekjes.
Të mbështetur edhe nga anëtarë të tjerë të komunitetit rom ata protestuan para komisariatit të Korçës.
Pas akuzave ndaj policisë, se e kanë dhunuar, familjarët kanë tërhequr trupin e pajetë të të afërmit të tyre.
Prokuroria e Korçës ka nisur hetimet për vdekjen e 27 vjeçarit brenda qelisë së komisariatit të Policisë. Në funksion të hetimit janë sekuestruar kamerat e sigurisë dhe u morën në pyetje efektivët e policisë që ishin në detyrë.
27 vjeçari, baba i tre fëmijëve, i dyshuar për vjedhje me dhunë, u arrestua tre ditë më parë në flagrancë në qytetin e Korçës.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
