Korçë, alarm i rremë për bombë në makinën e gjyqtarit Markelian Kuqo

Mesditën e kësaj të marte është dhënë një alarm i rremë, për një bombë të vendosur në makinën e gjyqtarit të rrethit të Korçës, Markelian Kuqo.
Dyshohet se gjyqtari është njoftuar me anë të një telefonate, se në makinën e tij është vendosur një bombë. Pas kontrollit të automjetit të gjyqtarit Kuqo nga ana e policisë nuk është gjetur asgjë.
Ndërkohë është identifikuar personi që telefonoi sot gjyqtarin Markelian Kuqo,
Mësohet se telefonata është bërë nga burgu i Drenovës, ndërsa thuhet se bëhet fjalë për një person me probleme të shëndetit mendor.
Nga verifikimet e grupit hetimor nuk rezulton të këtë rrezikshmëri për gjyqtarin, pasi bëhet fjalë për një alarm të rremë. Policia ka sekuestruar kartat e telefonit.