Lajme

Kontrabandë me mallra, arrestohen 3 doganierë në Korçë

Tre doganierë në Kapshticë kanë rënë në pranga për shpërdorim detyre. Policia thotë se ata  lejuan futjen e mallit pa iu nënshtruar kontrollit.

Në pranga kanë rënë shtetasit:

  • Floben Guxho, 46 vjeç, banues në Tiranë.
  • Klodian Nastimi, 34 vjeç, banues në Devoll.
  • Rernato Molla, 33 vjeç, banues në Pogradec, (të tre me detyrë doganier në Pikën e Kalimit Kufitar Kapshticë).
  • Kristi Meslani, 23 vjeç, banues në Devoll.
  • Rezart Shega, 29 vjeç, banues në Devoll.
  • Mario Berberi, 26 vjeç, banues në Devoll.

Kristi Meslani dhe Rezart Shega, të cilët drejtonin mjetet janë kapur duke transportuar një sasi të konsiderueshme me pije energjike dhe pije të tjera. Ndërsa shtetasi tjetër, Mario Berberi, dyshohet të jetë porositësi i këtij malli. Këto mjete kanë kaluar nga Pika e Kalimit Kufitar Kapshticë, ku dyshohet se nuk i janë nënshtruar procesit përkatës të kontrollit doganor.


Copyright © Gazeta “Si”



Më Shumë