.png)
Qeveria ka ndarë gati 100 mln lek si pagesë për këshillimin që do të marrë për menaxhimin e borxhit shtetëror.
Në vendimin e marrë, fondi prej 98.4 milionë lekësh do t’i shtohet Ministrisë së Financave për të zgjedhur më pas kompaninë, apo studion këshilluese për menaxhimin e borxhit.
Efekti financiar do të përballohet nga fondi rezervë i miratuar për buxhetin 2020, ndërkohë që lëvizja mund të interpretohet edhe si një planifikim për rritje të borxhit publik, nisur nga kriza e shkaktuar nga koronavirusi.
Tavane të reja borxhesh dhe rritja e tyre është një prej propozimeve edhe të ekspertëve ndërkombëtarë e vendas, si rrugë për të ndihmuar ekonomitë e vendeve të ndryshme në këtë periudhë të vështirë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
