.png)
Ditët e karantinës mund të jenë ditë frymëzuese për shkrimtarët, që tashmë kanë më shumë kohë për t’iu përkushtuar shkrimit. Historia e letërsisë botërore tregon për autorë që i shfrytëzuan kohët e izolimit për të shkruar kryevepra letrare. Nga Shekspiri, Çehovi, Bokacco, Pushkini, Tomas Manni etj kanë shkruar vepra të rëndësishme të krijmtarisë së tyre gjatë këtyre ditëve të vështira.
Qendra Kombëtare e Librit dhe Leximit ka bërë publik konkursin “Libri i karantinës”, i cili fton për të marrë pjesë gjithë autorët shqiptarë kudo që ndodhen.
“Këto kohë jo të lehta për të gjithë, mund të jenë frymëzuese për letërsinë e cila gjithnjë ka treguar se di ti shndërrojë izolime të tilla në vepra të mëdha. “Libri i Karantinës” është një konkurs i cili fton gjithë autorët shqipëfolës të shkruajnë vepra në prozë. Konkursi do të jetë i hapur deri më 15 maj dhe do të gjykohet nga një juri me profesionistë të fushës”, thotë Alda Bardhyli, drejtore e QKLL.
Sipas saj ky konkurs është një ftesë për të shkruar vepra në shqip, i cili përkon dhe me muajin prill që është dhe muaji i letërsisë. Vepra më e mirë e këtij konkursi do të botohet nga QKLL.
Mbështetja e letërsisë dhe autorëve shqiptarë është në fokus të Qendrës Kombëtare të Librit dhe Leximit.
Me nisjen e izolimit për shkak të pandemisë sw koronavirus, QKLL ka nisur fushatën e leximit, duke na ftuar që këto ditë të vështira t’i shohim si një mundësi për t’u kthyer te libri.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
