.png)
Kryeministri i Kosovës Albin Kurti ka vizituar ditën e sotme Mitrovicën e Veriut. Kjo vizitë e tij vjen pas tensioneve në veri të vendit.
Mediat në Kosovë shkruajnë se Kurti është shoqëruar nga ministri i Brendshëm Xhelal Sveçla.
Pas vizitës, Kurti ka publikuar një video në profilin e tij zyrtar në rrjetin social Facebook, ku ka treguar se ai së bashku me ministrin e Punëve të Brendshme, Xhelal Sveçla, kanë vizituar njësitet e Policisë së Kosovës në lagjen “Kroi i Vitakut”.
“Bashkë me Ministrin e Punëve të Brendshme, Xhelal Sveçla dhe zëvendësin e tij, Blerim Gashani, vizituam njësitet tona te Kroi i Vitakut. Përgatitja e lartë profesionale është garanci për zbatimin e ligjit dhe për sigurinë si e mirë publike që u ofrohet të gjithë qytetarëve pa dallim”, ka shkruar Kurti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
