Një kioskë, që përdorej si pikë kontrolli nga Policia e Kosovës në Mitrovicë të Veriut, është sulmuar me mjete plasëse.
Zëvendësdrejtori i Policisë së Kosovës për rajonin e Veriut, Veton Elshani, tha se në momentin e sulmit nuk ka pasur policë në atë pikë.
“Rreth 03:00 në mëngjesin e sotëm ka ndodhur një shpërthim që besohet të jetë shkaktuar prej një mjeti pirotektik, të kombinuar me material ndezës”, tha Elshani.
Sipas tij, si pasojë e këtij sulmi, është dëmtuar kioska që përdorej nga policia.
Përveç dritareve të thyera, janë djegur edhe orenditë që ishin brenda. Deri më tani nuk dihet autori ose autorët e këtij incidenti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.