.png)
Policia e Fierit parandaloi përshkallëzimin e një konflikti për çështje pronësie, duke prangosur 55-vjeçarin Z.Rr, banues në fshatin Kashisht, ku ndodhi dhe ngjarja.
Sipas policisë, dy persona po konfliktoheshin me njëri-tjetrin, ndërsa njëri prej tyre dispononte armë zjarri si dhe municione.
Policia ka shkuar në vendin e ngjarjes pas informacioneve të marra dhe ka konstatuar se shtetasi Z.Rr., kishte fshehur një armë zjarri dhe municion luftarak në afërsi të vendit ku kishte ndodhur konflikti, i cili është sekuestruar në cilësinë e provës materiale.
Po ashtu, në komisariat është shoqëruar edhe shtetasi J.K., i cili u përfshi në konflikt. Materialet i kaluan Prokurorisë Fier, për veprën penale "Mbajtja pa leje e armëve dhe municionit luftarak".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
