Një konflikt mes disa personave për pak mund të ishte shndërruar në një tragjedi. Ngjarja ka ndodhur në fshatin Moravë të Korçës, ku një 16-vjeçar qëlloi me armë zjarri në drejtim të një lokali, pas konfliktit me pronarin e biznesit, me iniciale M.F.
Policia sqaron se ka arrestuar dy persona, L.Xh., 19 vjeç, banues në fshatin Moravë dhe K.L., 16 vjeç, banues në Korçë. Mësohet se pas konfliktit, 16-vjeçari, i cili kishte një armë zjarri me vete, ka qëlluar në drejtim të lokalit, por pa lënduar njeri për fat të mirë.
Pas kontrollit të policisë, u gjet dhe sekuestrua arma e zjarrit tip pistoletë, me municion luftarak, të cilat i kishte në posedim adoleshenti.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.