Policia e Tiranës ka arrestuar një 45-vjeçar në zonën e Freskut, pasi qarkullonte me armë zjarri dhe kokainë.
Për neutralizimin dhe arrestimin e tij janë angazhuar edhe Forcat “Shqiponja”, të cilat i kanë sekuestruar 45-vjeçarit dy pistoleta, një shotgun dhe kokainë.
Mësohet se në pranga ka rënë shtetasi Adnad Gaxheri, banues në Tiranë.
Gjatë operacionit, nga kontrolli fizik në çantën e dorës, 45-vjeçarit i është gjetur një armë zjarri pistoletë dhe një sasi e vogël lëndë narkotike e dyshuar kokainë.
Ndërsa gjatë kontrollit në banesë i është gjetur dhe sekuestruar në cilësinë e provës materiale një tjetër armë zjarri pistoletë me fishekë në fole gati për qitje, një armë gjahu shotgun dhe një sasi fishekësh luftarak.
Materialet i referohen Prokurorisë së Rrethit Gjyqësor Tiranë, për hetime të mëtejshme, për veprën penale “Prodhimi dhe shitja e narkotikëve” dhe “Armëmbajtja pa leje”, për të cilën parashikohet dënimi me burgim deri në 7 vjet.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.