Policia e Tiranës ka arrestuar 5 persona të moshës 33 vjeç deri në 37 vjeç në një lokal në Tiranë i konstatuar i hapur edhe pas fashës orare të lejuar.
Policia thotë se ndërsa ka shkuar për kontroll, pasi nuk zbatoheshin masat antiCovid e shkelje orari i kufizimit, zbuloi se lokali në fjalë ishte kthyer në një çerdhe ku konsumohej kokainë dhe hashash.
Mes 5 të arrestuarve ishte edhe administratori i lokalit që ishte përshtatur për përdorim droge, Margen Islami.
“Në përfundim të veprimeve u arrestuan në flagrancë administratori i lokalit, shtetasi M. I., 36 vjeç, për veprat penale ‘Prodhimi dhe shitja e narkotikëve’, e kryer në bashkëpunim dhe ‘Përshtatja e lokalit për përdorim droge’, dhe klientët që u gjetën në lokal, shtetasit R. I., 37 vjeç, P. S., 33 vjeç, M. S., 29 vjeç dhe L. I., 33 vjeç, për veprën penale ‘Prodhim dhe shitja e narkotikëve’”, thuhet në njoftimin e policisë.
Gjatë kontrollit në lokalin që administrohej nga Margen Islami u gjetën dhe u sekuestruan një sasi me lëndë narkotike kanabis dhe kokainë, 1 peshore elektronike dhe sende të tjera të kundërligjshme.
Materialet i kaluan Prokurorisë së Rrethit Gjyqësor Tiranë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
