.png)
Publiku në mbarë botën u trondit nga lajmi se futbollisti legjendar argjentinas, Klaudio Kanixha, u akuzua për përdhunimin e ish-bashkëshortes së tij Mariana Nanis. Argjentinasi i famshëm me një top futbolli mund të bënte gjithçka, por varësia e tij ndaj kokainës e çoi atë në anën e errët.
Fatkeqësisht, ai nuk është as i pari dhe as i fundit futbollist i famshëm, që iu nënshtrua kësaj plage, e cila i shkatërroi jetën dhe karrierën.
I madhi Klaudio Kanixha, paratë e mëdha që fitoi i shpenzoi për kokainë. Në vitin 1992 ai dështoi në një test, duke luajtur për Romën dhe u pezullua për 13 muaj. Përveç shpejtësisë dhe golave të tij të pabesueshëm, “Biri i Erës” siç e njihnin ndryshe, kojtohet edhe për deklaratën e tij të famshme: "Nëse kokaina është drogë, atëherë unë jam një i varur nga droga."
Është interesant fakti se pezullimi nuk nënkuptonte fundin e karrierës për sulmuesin e shpejtë. Përkundrazi, menjëherë pas përfundimit të dënimit, Kanixha kaloi nga Roma te Benfika në formë huazimi dhe shkëmbimi u financua nga kompania e njohur e prodhimit të qumështit “Parmalat”. Kanixha është një lojtar që e ka shijuar fushën, por që gjithashtu donte një jetë të shthurur.
"A e dini se çfarë lloj lojtari do të kishte qenë, nëse nuk do të kishte marrë kokainë? Çfarë lloj lojtari ju ka munguar?" Deklarata e famshme e Diego Armando Maradonës nga viti 2008 ende tingëllon në veshët e futbolldashësve. Kështu ka folur Maradona për lëndën narkotike që ka konsumuar gjatë karrierës së tij futbollistike dhe e ka pasur të vështirë t'i rezistojë edhe kur ishte në pension.
Ylli më i madh i futbollit argjentinas dhe një nga futbollistët më të mirë të të gjitha kohërave filloi të lidhej me kokainën gjatë kohës që luante për Napolin. Ai besonte se ishte i paprekshëm për shkak të fatkeqësisë dhe shpejt u fut në telashe serioze.
Së pari, më 17 mars 1991, ai doli pozitiv me kokainë pas një ndeshjeje kundër Barit. Ai ishte më i miri në botë dhe u dënua me 15 muaj pezullim. Maradona nuk u shërua kurrë nga kjo, ai nuk u kthye kurrë në nivelin e tij më të lartë, megjithëse i siguroi të gjithë rreth tij se kontakti i tij i parë me drogën ishte në Barcelonë, kur po shërohej nga një dëmtim i rëndë në kyçin e dorës.
Në prill të po atij viti ai u arrestua për posedim droge në vendlindje. Pas lirimit arriti të rikthehej në ekipin kombëtar për të cilin luajti shkëlqyeshëm në Kupën e Botës 1994. Në gusht të vitit 1997, teksa luante për Bkoa Zhunior, ai u testua sërish pas një ndeshjeje dhe doli sërish pozitiv. Ishte fundi i një përralle futbolli, pasi Diego u përball me një pezullim prej dy vitesh.
As anglezët nuk ishin të imunizuar ndaj problemeve të drogës. Probleme me birrën dhe ushqimin e rrugës në dhomat e zhveshjes së ekipeve të ishullit në vitet 1990, por nuk u shmang as kokaina.
Paul Merson, një nga yjet e Arsenalit të Londrës, ka përfunduar në një program rehabilitimi. Austriaku Mark Bosniç, ish-portieri i Mançester Junajtid, Aston Vilas dhe Çelsit pranoi se konsumonte 10 gramë kokainë në ditë!
Tifozët e futbollit nuk do ta harrojnë kurrë festimin legjendar të ikonës së Liverpulit, Robi Fauler. Në vitin 1999 futbollisti i madh shënoi një gol në derbin e qytetit kundër Evertonit dhe e festoi, duke simuluar thithjen e kokainës në vijën e fushës. Ishte përgjigja e tij origjinale ndaj titujve të gazetave në Angli… Mediat atje e përshkruan atë si një djalë të ashpër që i pëlqen të përdorë kokainë.
Edhe rumuni Adrian Mutu njihej si adhurues i madh i kësaj droge dehëse. Kur ai luajti për Çelsin, Mourinjo urdhëroi një test antidoping midis lojtarëve dhe Mutu dështoi. Blutë e përjashtuan dhe ai duhej të paguante 22 milionë stërlina, sa ishin të ardhurat e tij në klub.
Eskobar u vra nga tregtarët
Lojtari i kombëtares kolumbiane, Andres Eskobar, u vra nga tregtarët e kokainës pas eliminimit të Kolumbisë nga Kupa e Botës 1994. “Jeta nuk mbaron këtu”, - tha Eskobar pas autogolit dhe humbjes së dhimbshme të skuadrës së tij…
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
