.png)
Pas nënshkrimit të marrëveshjes së koalicionit opozitar të PD-së me partitë aleate vjen edhe reagimi i kryeministrit Edi Rama.
Ashtu si djegien e mandateve, edhe koalicionin kundër zgjedhjeve, kreu i qeverisë e cilëson si një vetëvrasje politike.
Nëpërmjet një postimi në “Twitter”, kryeministri thekson humbësit nuk do e marrin peng vendin dhe se shqiptarët do të flasin me votë më 30 qershor.
“Pas djegies së mandateve, koalicioni kundër zgjedhjeve një tjetër formë e padëgjuar vetëvrasjeje politike! Humbësit kronikë janë peng i dëshpërimit të tyre, po Shqipërinë s'e marrin dot peng. Zgjedhjet as ndalen as shtyhen. Në 30 qershor qytetarët do flasin me votë në çdo bashki”, shkruan kreu i qeverisë në “Twitter”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
