Kreu i Këshillit të Lartë të Prokurorisë, Gent Ibrahimi, i ka kërkuar Ministrisë së Shëndetësisë që të marrë në konsideratë me prioritet vaksinimin e përfaqësuesve të një pjese të sistemit të drejtësisë.
Në letrën e tij dërguar ministres Ogerta Manastirliu, Ibrahimi kërkon përfshirjen e prokurorëve, anëtarëve të Këshillit, oficerëve të policisë gjyqësore dhe stafin administrativ, në listën prioritare për vaksinim anti-Covid.
Në këtë grup bëjnë pjesë 928 persona dhe sipas Ibrahimit, prokurorët janë shumë të rrezikuar përballë këtij virusi. Po ashtu, theksohet se puna e prokurorisë, nuk mund të bëhet online, por vetëm në terren për shkak të natyrës së saj.
“Në emër të KLP-së, kryetari Gent Ibrahimi i dërgoi sot znj. Ogerta Manastirliu, Ministre e Shëndetësisë dhe Mbrojtjes Sociale, kërkesën për përfshirjen e prokurorëve, anëtarëve të Këshillit, oficerëve të policisë gjyqësore dhe stafin administrativ, në listën prioritare për vaksinim. Në total grupi i sipërpërmëndur konsiston në 928 persona”, - thuhet në shkresën zyrtare të KLP-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.