.png)
Theodhori Sollaku, avokati mbrojtës i Klement Balilit i etiketuar ndryshe si “Eskobari i Ballkanit”, ka dorëzuar sot kërkesën për gjykim të shkurtuar. Gjykata e Krimeve të Rënda shtyu seancën e planifikuar për sot ku edhe do të shënohej hapja e gjyqit për Balilin.
Shtyrja e seancës u bë për arsye që të sillej nga burgu vetë Balili, duke qenë se duhet ta kërkojë dhe ai personalisht gjykimin e shkurtuar.
Mbi Balilin rëndojnë 4 akuza, por ai i kundërshton të katërta me pretendimin se nuk ka kryer asnjë vepër penale, sa kohë edhe avokatët këmbëngulin se nuk ka prova.
Ndërkohë, Prokuroria iu referohet hetimeve greke që e ekspozojnë Klement Balilin si njeriun që trafikoi 678 kilogramë kanabis, një ngarkesë që u kalua nga brigjet e Sarandës më 5 maj të vitit 2016.
Nga përgjimet, Klement Balili shfaqet duke komunikuar me dy skafistët, kur i orienton se ata i priste në Zakinthos, Georgis Alifantis.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
