Kina i qëndroi mesazhit të saj të duke refuzuar që ta dënojë dhe quajë ofensivën ruse në Ukrainë si “pushtim”.
Kina përsëriti se beson në respektimin e integritetit territorial të të gjitha vendeve, por tha se e sheh çështjen e Ukrainës si një sfond historik kompleks dhe të veçantë.
"Ne i kuptojmë shqetësimet legjitime të Rusisë për çështjet e sigurisë", u tha gazetarëve zëdhënësi i ministrisë së Jashtme, Wang Wenbin në një konferencë të përditshme në Pekin të premten.
Ëang u përgjigj gjithashtu kundër komentit të Presidentit të SHBA Joe Biden se çdo vend që mbështet pushtimin e Rusisë do të "njolloset nga turpi", duke thënë se ato që njollosen me turp ishin vendet që ndërhynin në punët e brendshme të të tjerëve.
Shtetet e Bashkuara, Britania, Japonia, Kanadaja, Australia dhe BE-ja shpalosën më shumë sanksione ndaj Moskës, duke përfshirë një masë të Gjermanisë për të ndalur një tubacion gazi prej 11 miliardë dollarësh nga Rusia.
I pyetur nëse Kina është e përgatitur të rrisë blerjet e naftës ruse në përgjigje të sanksioneve të SHBA-së dhe BE-së, Ëang tha: "Sanksionet nuk kanë qenë kurrë një mënyrë efektive për të zgjidhur problemet. Shpresojmë që palët përkatëse të mund të punojnë shumë për të zgjidhur problemin përmes dialogut dhe konsultit".
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.